എറണാകുളം:മഹാരാജാസ് കോളേജിലെ എസ്എഫ്‌ഐ പ്രവര്‍ത്തകനായിരുന്ന അഭിമന്യുവിന്റെ കൊലപാതകവുമായി ബന്ധപ്പെട്ട് രണ്ടുപേര്‍ കൂടി പോലീസ് കസ്റ്റഡിയില്‍.എസ്ഡിപിഐ പ്രവര്‍ത്തകരായ ഷിറാസ് സലീം,ഷാജഹാന്‍ എന്നിവരാണ് പിടിയിലായത്.ഇവര്‍ക്ക് കൊലപാതകത്തെക്കുറിച്ച് അറിവുണ്ടായിരുന്നെന്നാണ് പോലീസ് പറയുന്നത്.ആലപ്പുഴ സ്വദേശികളായ ഇവരില്‍നിന്നും മതസ്പര്‍ധ വളര്‍ത്തുന്ന ലഘുലേഖകളും പിടിച്ചെടുത്തു.ഷാജഹാന്‍ അക്രമണം ആസൂത്രണം ചെയ്യുന്നയാളും ഷിറാസ് അക്രമികള്‍ക്ക് കായിക പരിശീലനം നല്‍കുന്നയാളുമാണ്.ഇതോടെ കേസില്‍ അറസ്റ്റിലായവരുടെ എണ്ണം എട്ടായി.
അഭിമന്യു കൊല്ലപ്പെട്ടിട്ട് പതിനാല് ദിവസം കഴിഞ്ഞിട്ടും ഒളിവിലുള്ള പ്രധാന പ്രതികളെ പിടികൂടാന്‍ പോലീസിന് സാധിച്ചിട്ടില്ല.മകന്റെ ഘാതകരെ പിടികൂടിയില്ലെങ്കില്‍ പട്ടിണികിടന്ന് മരിക്കുമെന്നാണ് അഭിമന്യുവിന്റെ അച്ഛന്‍ പറയുന്നത്.
