ഡൽഹി : ന്യൂസീലന്‍ഡിനെതിരെ ഫിറോസ് ഷാ കോട്‌ലയില്‍ ഇന്ത്യ നേടിയ ചരിത്രവിജയം കൂടുതല്‍ സന്തോഷിക്കുന്നത് പാക്കിസ്ഥാന്‍ ടീമിനെയാണ്. മത്സരത്തില്‍ ഇന്ത്യ വിജയിച്ചത്തോടെ ട്വന്‍റി20 റാങ്കിംഗില്‍ കിവികളെ പിന്തള്ളി പാക്കിസ്ഥാന്‍ ഒന്നാം സ്ഥാനത്തെത്തി. 124 റേറ്റിംഗുമായി പാക്കിസ്ഥാന്‍ ഒന്നാമതും 121 റേറ്റിംഗുമായി ന്യൂസീലന്‍ഡ് രണ്ടാം സ്ഥാനത്തുമാണ് ഇപ്പോൾ.
അതേസമയം മത്സരം വിജയിച്ചെങ്കിലും ഇന്ത്യ പട്ടികയില്‍ അഞ്ചാം സ്ഥാനത്താണ്. ന്യൂസീലന്‍ഡിനെതിരായ പരമ്പര നേടിയാലും ഇന്ത്യക്ക് പാക്കിസ്ഥാനെ മറികടക്കാനാകില്ല. അതേസമയം പരമ്പര തോറ്റാല്‍ ന്യൂസീലന്‍ഡ് രണ്ടാം സ്ഥാനത്ത് നിന്ന് താഴെയിറങ്ങും. ന്യൂസീലന്‍ഡിനെതിരായ ആദ്യ ട്വന്‍റി20യില്‍ 53 റണ്‍സിനായിരുന്നു ഇന്ത്യയുടെ വിജയം.
