ശ്രീനഗര്‍: ജമ്മു കാശ്മീരിലെ ബന്ദിപ്പോരയില്‍ സൈന്യവും ഭീകരരും തമ്മിലുള്ള ഏറ്റുമുട്ടലില്‍ ഇന്ത്യന്‍ എയര്‍ഫോയ്‌സിന്റെ ഒരു കമാന്‍ഡോയും അഞ്ച് ഭീകരരും കൊല്ലപ്പെട്ടു.
ആക്രമണം നടത്താനെത്തിയ ഭീകരരെയാണ് സൈന്യം വധിച്ചത്. പ്രദേശത്ത് ഇപ്പോഴും സൈനിക നടപടി തുടരുകയാണെന്നാണ് വിവരം. ബന്ദിപ്പോരയിലെ ഹദീന്‍ ഗ്രാമത്തില്‍ ഭീകരര്‍ ഒളിച്ചിരിപ്പുണ്ടെന്ന ഇന്റലിജന്‍സ് വിവരത്തെ തുടര്‍ന്ന് സുരക്ഷാസേന ഗ്രാമം വളയുകയായിരുന്നു.
എന്നാല്‍ ഇതിനിടെ ഭീകരര്‍ സുരക്ഷാസേനയ്ക്കു നേരെ വെടിയുതിര്‍ത്തു. തുടര്‍ന്നുണ്ടായ ഏറ്റുമുട്ടലിലാണ് സൈന്യം അഞ്ച് തീവ്രവാദികളെ വധിച്ചത്.
