ബെംഗളൂരു:കര്‍ണാടക വനത്തിനുള്ളില്‍ മലയാളിയെ വെടിയേറ്റ് മരിച്ച നിലയില്‍ കണ്ടെത്തി.കാസര്‍കോട് ചിറ്റാരിക്കാല്‍ സ്വദേശി ജോര്‍ജ് വര്‍ഗീസാണ് മരിച്ചത്.വാഗമണ്‍ കല്ല് എന്ന സ്ഥലത്താണ് മൃതദേഹം കണ്ടെത്തിയത്.ഇയാള്‍ക്കൊപ്പമുണ്ടായിരുന്ന രണ്ട് പേരെ കസ്റ്റഡിയിലെടുത്തിട്ടുണ്ട്.വനത്തിലൂടെ നടക്കുമ്പോള്‍ വെടിയേറ്റുവെന്നാണ് ഇവര്‍ പോലീസിനു നല്‍കിയ മൊഴി.
എന്നാല്‍ ഇവര്‍ വനത്തില്‍ നായാട്ടിന് പോയതാണെന്നും അവിടെവെച്ച് കര്‍ണാടക വനംവകുപ്പിന്റെ സുരക്ഷാ ഉദ്യോഗസ്ഥരുടെ വെടിയേറ്റാണ് ജോര്‍ജ് വര്‍ഗീസ് മരിച്ചതെന്നുമാണ് പ്രാഥമിക വിവരം.
