പൃഥ്വിരാജും പാര്‍വ്വതിയും കേന്ദ്രകഥാപാത്രങ്ങളായെത്തുന്ന മൈ സ്റ്റോറി എന്ന ചിത്രത്തിലെ മൂന്നാമത്തെ ഗാനം പുറത്തിറങ്ങി. ചിത്രം റിലീസിന് തയ്യാറെടുക്കുകയാണ്. ഈ മാസം 29 നു ആണ് ചിത്രം തീയേറ്ററുകളിൽ എത്തുക. റിലീസിന് മുന്നോടി ആയി ആണ് അണിയറപ്രവർത്തകർ പുതിയ ഗാനം പുറത്തിറക്കിയത്. ഹരി നാരായണന്റെ വരികൾക്ക് ഷാൻ റഹ്മാൻ ആണ് സംഗീതം പകർന്നിരിക്കുന്നത്. ശ്രേയ ഘോഷാലും ഹരിചരണും ചേർന്നാണ് ‘മിഴി മിഴി..’ എന്ന ഈ ഗാനം ആലപിച്ചിരിക്കുന്നത്.
നവാഗതയായ റോഷ്ണി ദിനകറാണ് മൈ സ്റ്റോറി സംവിധാനം ചെയ്തിരിക്കുന്നത്. ചിത്രത്തിൽ ജയ് എന്ന കഥാപാത്രമായി പൃഥ്വിയും താരയായി പാർവ്വതിയും എത്തുന്നു. ശങ്കർ രാമകൃഷ്ണൻ തിരക്കഥ ഒരുക്കുന്ന ചിത്രം നിർമ്മിക്കുന്നത് റോഷ്ണി ദിനകർ തന്നെയാണ്. റൊമാന്റിക് മ്യൂസിക് ഗണത്തിൽപ്പെടുന്ന ക്യൂട്ട് ലിറ്റിൽ ലവ് സ്റ്റോറി ആണ് ഈ ചിത്രം.
