കൊച്ചി:നടന്‍ കുഞ്ചാക്കോ ബോബനെ അസഭ്യം പറയുകയും കത്തി കാണിച്ച് കൊല്ലുമെന്നു ഭീഷണിപ്പെടുത്തുകയും ചെയ്ത 76 -കാരന്‍ പോലീസ് കസ്റ്റഡിയില്‍.ഇയാള്‍ക്കെതിരെ വധശ്രമത്തിനു കേസെടുത്തു.ഇയാള്‍ക്ക് മാനസികവൈകല്യമുണ്ടെന്നാണ് പോലീസ് നിഗമനം.
കഴിഞ്ഞ അഞ്ചാംതീയതി രാത്രി എറണാകുളം സൗത്ത് റെയില്‍വേ സ്റ്റേഷനിലാണ് സംഭവം.മാവേലി എക്സ്പ്രസ് കാത്തുനില്‍ക്കുന്നതിനിടെ അക്രമി കുഞ്ചാക്കോബോബന്റെ അടുത്തെത്തി അസഭ്യം പറയുകയായിരുന്നു.തുടര്‍ന്ന് കത്തി കാണിച്ച് കൊല്ലുമെന്ന് ഭീഷണിപ്പെടുത്തുകയും ചെയ്തു.ഇതുകണ്ട് മറ്റു യാത്രക്കാര്‍ എത്തിയപ്പോഴേക്കും ഇയാള്‍ ഓടി രക്ഷപ്പെട്ടു.
ലാല്‍ ജോസ് സംവിധാനം ചെയ്യുന്ന ‘തട്ടിന്‍പുറത്തെ അച്യുത’ന്റെ ഷൂട്ടിങിനായി കണ്ണൂരിലേക്ക് പോകാനായിരുന്നു കുഞ്ചാക്കോ ബോബന് റെയില്‍വേ സ്റ്റേഷനിലെത്തിയത്.തുടര്‍ന്ന് കണ്ണൂരിലെത്തിയ ശേഷം കുഞ്ചാക്കോ ബോബന് വിവരം റെയില്‍വേ പൊലീസ് ഡിവിഷനില്‍ അറിയിക്കുകയായിരുന്നു.പോലീസ് കുഞ്ചാക്കോബോബന്റെ മൊഴിയെടുത്തശേഷമാണ് പ്രതിക്കെതിരെ കേസെടുത്തത്.സിസിടിവി ദൃശ്യങ്ങള്‍ പരിശോധിച്ചതില്‍നിന്നാണ് പ്രതിയെ തിരിച്ചറിഞ്ഞത്.
