കൊച്ചി: ഫിഫ അണ്ടര്‍17 ലോകകപ്പിന്റെ പ്രീക്വാര്‍ട്ടര്‍ മത്സരത്തില്‍ ബ്രസീല്‍ കൊച്ചിയില്‍ ഇന്ന് ഹോണ്‍ഡുറസിനെ നേരിടും. ബ്രസീലിന്റെ വിജയം കാണാന്‍ കാത്തിരിക്കുകയാണ് ആരാധകര്‍.
ഇതുവരെയുള്ള മത്സരം വച്ച് വിലയിരുത്തിയാല്‍ പ്രാഥമികറൗണ്ടിലെ മൂന്നു മത്സരങ്ങളും ജയിച്ചെത്തിയ ബ്രസീലിനാണ് മുന്‍ഗണന. ന്യൂ കാലിഡോണിയയ്‌ക്കെതിരേ നേടിയ ഏകവിജയത്തിന്റെ പിന്‍ബലത്തിലാണ് ഹോണ്‍ഡുറസ് പ്രീക്വാര്‍ട്ടറിലെത്തിയത്.
എന്നാല്‍ ഇന്ന് ബ്രസീലിനെ വീഴ്ത്തിയാല്‍ ഹോണ്‍ഡുറസ് നേടുക ലോകഫുട്‌ബോളിലെ ഏറ്റവും വലിയ അട്ടിമറി വിജയങ്ങളിലൊന്നാവും.
കൊച്ചി ജവാഹര്‍ലാല്‍ നെഹ്‌റു അന്താരാഷ്ട്ര സ്‌റ്റേഡിയത്തില്‍ ഇന്ന് രാത്രി എട്ടുമണിക്കാണ് മത്സരം.
