ബെംഗളൂരു:കർണാടകയിലുടനീളമുള്ള 15 നിയമസഭാ മണ്ഡലങ്ങളിൽ ഇന്ന് ഉപതെരഞ്ഞെടുപ്പ് നടക്കുന്നു. ഭരണത്തിൽ ബിജെപി സർക്കാരിന് അധികാരത്തിൽ തുടരാൻ കുറഞ്ഞത് ആറ് പേരെയെങ്കിലും വിജയിപ്പിക്കണം . രാവിലെ 7 മണിക്ക് പോളിംഗ് ആരംഭിച്ച് വൈകുന്നേരം 6 മണിക്കവസാനിക്കും.
17 വിമത കോൺഗ്രസ്, ജനതാദൾ സെക്കുലർ എം‌എൽ‌എമാർ എന്നിവരെ സ്പീക്കർ അയോഗ്യരാക്കിയതിനെത്തുടർന്നുണ്ടായ ഒഴിവുകൾ നികത്തുന്നതിനാണ് ഉപതിരഞ്ഞെടുപ്പ് നടക്കുന്നത്. ജൂലൈയിൽ എച്ച്ഡി കുമാരസ്വാമിയുടെ നേതൃത്വത്തിലുള്ള സഖ്യസർക്കാരിനെ തകർച്ചയിലേക്ക് നയിച്ച കുതിരക്കച്ചവടം ബിജെപിയ്ക്ക് അധികാരത്തിന് വഴിയൊരുക്കി.
225 അംഗ നിയമസഭയിൽ ഭൂരിപക്ഷം നിലനിർത്താൻ ബിജെപിക്ക് കുറഞ്ഞത് ആറ് സീറ്റുകളെങ്കിലും നേടേണ്ടതുണ്ട്, മാസ്കിയിലും ആർ ആർ നഗറിലും ഇനിയും ഒഴിഞ്ഞുകിടക്കുന്ന രണ്ട് സീറ്റുകളാണുള്ളത്. ബിജെപിക്ക് നിലവിൽ 105 എം‌എൽ‌എമാരുണ്ട് (സ്വതന്ത്രൻ ഉൾപ്പെടെ), കോൺഗ്രസിനും ജനതാദൾ സെക്കുലറിനും യഥാക്രമം 66 ഉം 34 ഉം പേരുണ്ട്.
ഉപതെരഞ്ഞെടുപ്പിൽ മത്സരിക്കാൻ സുപ്രീംകോടതി അനുവദിച്ചതിനെത്തുടർന്ന് വിമത എം‌എൽ‌എമാർ കഴിഞ്ഞ മാസം ബിജെപിയിൽ ചേർന്നു, 13 പേർക്ക് പാർട്ടി ടിക്കറ്റുകൾ ലഭിച്ചു. വോട്ടെടുപ്പിലേക്ക് പോകുന്ന 15 നിയോജകമണ്ഡലങ്ങളിൽ 12 എണ്ണം കോൺഗ്രസ്സും മൂന്നെണ്ണം ജനതാദൾ സെക്കുലറിന്റയും സിറ്റിങ്ങ് സീറ്റാണ്.
