എടത്വാ:ടൗൺ ക്ലബ് ഗോൾഡൻ ജൂബിലി ആഘോഷങ്ങളുടെ ഭാഗമായി എടത്വാ ടൗണിൽ രാഷ്ട്രപിതാവായ മഹാത്മഗാന്ധിയുടെ പ്രതിമ അനാച്ഛാദനം നടന്നു.ക്ലബിന്റെ ഒരു വർഷം നീണ്ട് നില്ക്കുന്ന പരിപാടിയുടെ ഭാഗമായി വിവിധ കർമ്മ പരിപാടികൾക്കും തുടക്കം കുറിച്ചു. ദീപ ശിഖ പ്രയാണം എടത്വാ സെന്റ് ജോർജ് ഫെറോന പള്ളി വികാരി ഫാദർ. മാത്യൂ ചൂരവടി ഉദ്ഘാടനം ചെയ്തു. ജയ്സപ്പൻ മത്തായി ഫളാഗ് ഓഫ് ചെയ്തു. രക്ഷാധികാരി ബിൽബി മാത്യം അദ്ധ്യക്ഷത വഹിച്ചു. ആന്റപ്പൻ അമ്പിയായം ഫൗണ്ടേഷൻ ചെയർമാൻ ഡോ.ജോൺസൺ വി.ഇടിക്കുള ,ജിജി ചുടുകാട്ടിൽ, ക്ലബ് പ്രസിഡന്റ് ഷെബിൻ ജോസഫ് പട്ടത്താനം, സെക്രട്ടറി കെ.ആർ ശരത് ചന്ദ്രൻ, കൺവീനർ പ്രണവ് കെ.സുധൻ, ജോർജ് പോൾ,ഡോ. ബിജു ജോസഫ്, ബാബുകുട്ടി എന്നിവർ പ്രസംഗിച്ചു.കഴിഞ്ഞ പ്രളയകാലത്ത് മികച്ച നിലയിൽ ദുരിതാശ്വാസ പ്രവർത്തനങ്ങൾ നടത്തിയ ചുടുകാട്ടിൽ ജിജിയെ ചടങ്ങിൽ അനുമോദിച്ചു.
രാഷ്ട്രപിതാവായ മഹാത്മ ഗാന്ധിയുടെ പ്രതിമ എടത്വാ ജംഗ്ഷനിൽ അനാശ്ചാദനം ചെയ്തതിന് ശേഷം ജോർജ് പോൾ പുഷ്പാർച്ചന നടത്തുന്നു. ബിൽബി മാത്യം കണ്ടത്തിൽ ,ഡോ.ജോൺസൺ വി.ഇടിക്കുള, ഡോ. ബിജു ജോസഫ് എന്നിവർ സമീപം
