ന്യൂഡല്‍ഹി:മുന്‍ ക്രിക്കറ്റ് താരം ഗൗതം ഗംഭീര്‍ ബിജെപിയില്‍ ചേര്‍ന്നു. ഡല്‍ഹിയിലെ ബിജെപി ആസ്ഥാനത്ത് നടന്ന ചടങ്ങില്‍ കേന്ദ്രമന്ത്രി അരുണ്‍ ജെയ്റ്റ്ലിയില്‍ നിന്നാണ് ഗംഭീര്‍ ബിജെപി അംഗത്വം സ്വീകരിച്ചു.ലോക്സഭാ തെരഞ്ഞെടുപ്പില്‍ ഗംഭീര്‍ മല്‍സരിക്കുമെന്നും സൂചനകളുണ്ട്.
ബിജെപി അനുഭാവിയായിരുന്ന ഗൗതം ഗംഭീര്‍ നേരത്തേ തെരഞ്ഞെടുപ്പ് പ്രചരണങ്ങളില്‍ പങ്കെടുത്തിരുന്നു. പ്രധാനമന്ത്രി നരേന്ദ്രമോദിയുടെ ആശയങ്ങളും കാഴ്ചപ്പാടുമാണ് ബിജെപിയിലേക്ക് ആകര്‍ഷിച്ചതെന്ന് ഗൗതം ഗംഭീര്‍ പറഞ്ഞു.
സജീവരാഷ്ട്രീയത്തിലേക്കു പ്രവേശിച്ച ഗംഭീര്‍ ലോക്സഭാ തെരഞ്ഞെടുപ്പില്‍ ഡല്‍ഹിയില്‍ നിന്നും ബിജെപി സ്ഥാനാര്‍ത്ഥിയായി ഗംഭീര്‍ മത്സരിച്ചേക്കുമെന്നുമാണ് റിപ്പോര്‍ട്ട്.
