കൊല്‍ക്കത്ത: ഇന്ത്യന്‍ ഫുട്‌ബോള്‍ ടീം ക്യാപ്റ്റന്‍ സുനില്‍ ഛേത്രി വിവാഹിതനാകുന്നു. മുന്‍ മോഹന്‍ ബഗാൻ താരവുമായ സുബ്രതാ ഭട്ടാചാര്യയുടെ മകള്‍ സോനം ഭട്ടാചാര്യയാണ് വധു. ഇരുവരും ദീര്‍ഘനാളായി പ്രണയത്തിലായിരുന്നു എന്നാണ് വാർത്തകൾ. ഡിസംബര്‍ നാലിന്‌ കൊല്‍ക്കത്തയില്‍ വെച്ചാണ് വിവാഹച്ചടങ്ങുകള്‍.
ഐ.എസ്.എല്‍ മത്സരങ്ങളുടെ തിരക്കിനിടയിലാണ് ബെംഗളൂരു എഫ്.സിയുടെ വിലകൂടിയ ഇന്ത്യൻ തരാം വിവാഹിതനാകുന്നത്. ഡിസംബര്‍ 24ന് ബെംഗളൂരുവില്‍ വെച്ചാണ് വിവാഹ സല്‍ക്കാരം.
സ്‌കോട്ട്‌ലന്‍ഡില്‍ നിന്ന് ബിസിനസ് മാനേജ്‌മെന്റ് പഠിച്ച സോനം കൊല്‍ക്കത്തയില്‍ ഹോട്ടല്‍ ബിസിനസ് നടത്തുകയാണ്. അണ്ടര്‍-17 ലോകകപ്പ് ഫൈനല്‍ കാണാന്‍ സോനവും ഛേത്രിയും ഒരുമിച്ചെത്തിയിരുന്നു. തുടർന്നാണ് ഇരുവരും തമ്മിലുള്ള പ്രണയം ചര്‍ച്ചയായത്.
