ദില്ലി:കോണ്‍ഗ്രസ് വിട്ട് ബിജെപിയില്‍ ചേര്‍ന്ന ടോം വടക്കന്‍ ബിജെപി സംസ്ഥാന അധ്യക്ഷന്‍ പിഎസ് ശ്രീധരന്‍ പിള്ളയെ കണ്ടു. ദില്ലിയിലായിരുന്നു കൂടിക്കാഴ്ച.ബിജെപി സ്ഥാനാര്‍ത്ഥിപ്പട്ടിക ഇതുവരെ പുറത്തിറക്കിയിട്ടില്ലാത്ത സാഹചര്യത്തില്‍ വടക്കന്റെ പേരും ലിസ്റ്റില്‍ ഉള്‍പ്പെടാനുള്ള സാധ്യതയാണ് കാണുന്നത്.ആദ്യം പറഞ്ഞുകേട്ട സ്ഥാനാര്‍ത്ഥി ലിസ്റ്റില്‍ വടക്കന്റെ പേരുണ്ടായിരുന്നില്ല.പട്ടിക തയ്യാറാക്കുമ്പോള്‍ ടോം വടക്കന്‍ കോണ്‍ഗ്രസിലായിരുന്നു.
അതേസമയം ഉപാധികളില്ലാതെയാണ് ബിജെപിയില്‍ ചേര്‍ന്നതെന്നും സ്ഥാനമാനങ്ങള്‍ മോഹിക്കുന്നില്ലെന്നുമാണ് ടോം വടക്കന്‍ പറഞ്ഞത്.എന്നാല്‍ പാര്‍ട്ടി പറഞ്ഞാല്‍ മല്‍സരിക്കുമെന്ന നിലപാടിലാണ് ടോം വടക്കന്‍.
