തിരുവനന്തപുരം: തലസ്ഥാനത്ത് ഗുണ്ടാ ആക്രമണത്തില്‍ യുവാാവ് വെട്ടേറ്റ് മരിച്ചു.ബാര്‍ട്ടന്‍ഹില്ലില്‍ എസ് പി അനില്‍ എന്നയാളാണ് മരിച്ചത്.ഇന്നലെ രാത്രി 11 മണിയോടെയാണ് സംഭവം.റോഡില്‍ ഗുരുതരമായി പരിക്കേറ്റ കിടന്ന അനിലിനെ പൊലീസ് എത്തി മെഡിക്കല്‍ കോളേജ് ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.അനില്‍ കൊലക്കേസില്‍ ശിക്ഷിക്കപ്പെട്ടയാളും നിരവധി കേസുകളിലെ പ്രതിയുമാണ്.
ഗുണ്ടാ നേതാവ് ഗുണ്ടുകാട് സാബുവിന്റെ സംഘത്തിലുള്ള ജീവനാണ് അനിലിനെ ആക്രമിച്ചതെന്ന് ദൃക്‌സാക്ഷികള്‍ പൊലീസിന് മൊഴി നല്‍കിയിട്ടുണ്ട്. ഇയാള്‍ ഒളിവിലാണ്. ഗുരുതര പരിക്കേറ്റ് റോഡില്‍കിടന്ന അനിലിനെ പൊലീസ് എത്തി മെഡിക്കല്‍ കോളേജ് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
