തിരുവനന്തപുരം:തലസ്ഥാനത്തു നിന്ന് നാല് വിദ്യാര്‍ഥികളെ കാണാതായതില്‍ ദുരൂഹത. വീട്ടില്‍ നിന്നും ട്യൂഷന്‍ ക്ലാസ്സിലേക്കു പോയ ഗൗരീനാഥ്,സന്ദീപ്,രാഹുല്‍ കൃഷ്ണ,ഗൗരി നന്ദന്‍ എന്നിവരെയാണ് കാണാതായത്.തിരുവനന്തപുരം ഊരൂട്ടമ്പലം ശ്രീ സരസ്വതി വിദ്യാമന്ദിരത്തിലെ പത്താംക്ലാസ് വിദ്യാര്‍ഥികളാണിവര്‍.
ഞായറാഴ്ച രാവിലെയാണ് കുട്ടികള്‍ ട്യൂഷനു പോകാനായി വീടുകളില്‍നിന്നിറങ്ങിയത്.രാത്രിയായിട്ടും കുട്ടികള്‍ തിരിച്ചെത്താത്തതിനെത്തുടര്‍ന്ന് രക്ഷിതാക്കള്‍ പൊലീസില്‍ പരാതി നല്‍കി.സംഭവത്തില്‍ മാറനല്ലൂര്‍ പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.കുട്ടികളെക്കുറിച്ച് എന്തെങ്കിലും വിവരം ലഭിക്കുന്നവര്‍ മാറനല്ലൂര്‍ പോലീസില്‍ വിവരം അറിയിക്കണം.ഫോണ്‍:0471 2299100
