തിരുവനന്തപുരം: നഴ്‌സ് ലിനിയെ മറക്കാന്‍ മലയാളികള്‍ക്ക് അത്രപെട്ടെന്ന് കഴിയില്ല.നിപ്പയെന്ന മഹാമാരി ഭീതിയായി പടര്‍ന്ന കാലത്ത് രോഗബാധിതരെ ശുശ്രൂഷിക്കുന്നതിനിടെ രോഗം പകര്‍ന്നാണ് പേരാമ്പ്ര താലൂക്ക് ആശുപത്രിയിലെ നഴ്‌സ് ആയ ലിനി മരിച്ചത്.നിപ്പ പ്രമേയമാക്കി ആഷിക് അബു സംവിധാനം ചെയ്യുന്ന വൈറസ്
ലിനിയുടെ ജീവിതം കൂടി പറയുന്നതാണ്.ലിനിയായി മാറിയ റിമകല്ലിംഗലിന്റെ ക്യാരക്ടര്‍ പോസ്റ്റര്‍ അണിയറക്കാര്‍ പുറത്തുവിട്ടു.
നേരത്തെ പുറത്തിറങ്ങിയ പോസ്റ്ററില്‍ ആരോഗ്യ മന്ത്രിയായി നടി രേവതിയുടെ ലുക്ക് ഏറെ ശ്രദ്ധനേടിയിരുന്നു. ആഷിഖ് അബു-റിമ കലിങ്കലിന് കീഴിലുള്ള ഒപിഎം സിനിമാസിന്റെ ബാനറില്‍ മുഹ്സിന്‍ പരാരി,ഷര്‍ഫു,സുഹാസ് എന്നിവര്‍ ചേര്‍ന്നാണ് വൈറസിന്റെ രചന നിര്‍വഹിച്ചിരിക്കുന്നത്.ഫഹദ് ഫാസില്‍,ഇന്ദ്രജിത്,കുഞ്ചാക്കോ ബോബന്‍,ആസിഫ് അലി,ടോവിനോ തോമസ് തുടങ്ങി വന്‍ താരനിരതന്നെ ചിത്രത്തിന്റെ ഭാഗമാകുന്നു. സംഗീതം നല്‍കിയിരിക്കുന്നത് സുഷിന്‍ ശ്യാം. രാജീവ് രവിയും ഷൈജു ഖാലിദും ചേര്‍ന്നാണ് വൈറസിന്റെ ഛായാഗ്രഹണം നിര്‍വഹിച്ചിരിക്കുന്നത്. എഡിറ്റിംഗ് സൈജു ശ്രീധരന്‍.വൈറസ് ജൂണ്‍ 7ന് റിലീസ് ചെയ്യും
