കൊച്ചി:ജലന്ധര്‍ ബിഷപ്പിനെതിരെ കന്യാസ്ത്രീകള്‍ നടത്തുന്ന സമരത്തെക്കുറിച്ച് ചോദിച്ച മാധ്യമപ്രവര്‍ത്തകരെ ഇളിഭ്യരാക്കി നടന്‍ മോഹന്‍ലാല്‍.’നിങ്ങള്‍ക്ക് നാണമുണ്ടോ ഇങ്ങനെ ആവശ്യമില്ലാത്ത കാര്യങ്ങള്‍ ചോദിക്കാന്‍, ഒരു നല്ല കാര്യം നടക്കുമ്പോള്‍? കന്യാസ്ത്രീകള്‍ എന്തുചെയ്യണം,അതും ഇതുമായി എന്ത് ബന്ധം? നിങ്ങള്‍ക്ക് വേറെ എന്തെങ്കിലുമൊക്കെ ചോദിക്കാമല്ലോ? ഇതൊക്കെയാണോ.. അത് പൊതുവികാരമാണോ,ഇവിടെ ഇത്രയും വലിയൊരു പ്രോബ്ലം നടക്കുമ്പോള്‍’,എന്നാണ് സൂപ്പര്‍ താരം പ്രതികരിച്ചത്.
തന്റെ നേതൃത്വത്തിലുള്ള വിശ്വശാന്തി ഫൗണ്ടേഷന്റെ ദുരിതാശ്വാസ പ്രവര്‍ത്തനങ്ങളുടെ ഭാഗമായി വെല്ലിംഗ്ടണ്‍ ഐലന്റിലെ കളക്ഷന്‍ സെന്ററില്‍ എത്തിയപ്പോഴാണ് മോഹന്‍ലാല്‍ മാധ്യമപ്രാര്‍ത്തകരോട് പ്രതികരിച്ചത്.പ്രളയക്കെടുതി രൂക്ഷമായ പത്തനംതിട്ട,ആറന്മുള,അയിരൂര്‍,ആലപ്പുഴയിലെ നെടുമുടി എന്നിവിടങ്ങളിലും അവശ്യസാധനങ്ങള്‍ എത്തിച്ചതായും മോഹന്‍ലാല്‍ പറഞ്ഞിരുന്നു.
