കണിച്ചുകുളങ്ങര:തുഷാര്‍ വെള്ളാപ്പള്ളി മല്‍സരിക്കുന്നതില്‍ എതിര്‍പ്പു പ്രകടിപ്പിക്കുകയും തോല്‍ക്കുമെന്നു പറയുകയും ചെയ്ത വെള്ളാപ്പള്ളി നിലപാട് മാറ്റി.തുഷാര്‍ മികച്ച സംഘാടകനാണെന്നും ബിഡിജെഎസ് സ്ഥാനാര്‍ത്ഥിയായി മല്‍സരിക്കുന്നതില്‍ എതിര്‍പ്പില്ലെന്നും വെള്ളാപ്പള്ളി പറഞ്ഞു.തൃശ്ശൂര്‍ സീറ്റില്‍ എന്‍ഡിഎ സ്ഥാനാര്‍ത്ഥിയായി തുഷാര്‍ വെള്ളാപ്പള്ളി മത്സരിക്കുമെന്ന് ഉറപ്പായതോടെയാണ് വെള്ളാപ്പള്ളി അനുകൂല നിലപാടുമായി എത്തിയത്.
എസ്എന്‍ഡിപി യോഗത്തിന്റെ ഭാരവാഹിയായി നിന്നുകൊണ്ട് മത്സരിക്കാനാകില്ലെന്ന് വെള്ളാപ്പള്ളി നേരത്തേ പറഞ്ഞിരുന്നു.എന്നാല്‍ തുഷാര്‍ എസ്എന്‍ഡിപി ഭാരവാഹിത്വം രാജിവയ്ക്കുന്ന കാര്യം ഇപ്പോള്‍ പറയാനാകില്ലെന്നും വെള്ളാപ്പള്ളി കൂട്ടിച്ചേര്‍ത്തു.തുഷാര്‍ വെള്ളാപ്പള്ളിയോട് മല്‍സരിക്കാന്‍ തുടക്കത്തിലേ ബിജെപി ആവശ്യപ്പെട്ടിരുന്നെങ്കിലും തുഷാര്‍ പിടികൊടുക്കാതെ നില്‍ക്കുകയായിരുന്നു.ഒടുവില്‍ ബിജെപി സമ്മര്‍ദ്ദം ചെലുത്തിയാണ് തുഷാറിനെ സ്ഥാനാര്‍ത്ഥിയാക്കിയത്.
