മലയാളികളുടെ കാത്തിരിപ്പിന് വിരാമമിട്ട് ദുല്‍ഖര്‍ ചിത്രം നാളെ തീയറ്ററുകളില്‍ റിലീസ് ചെയ്യുന്നു. ഒന്നര വര്‍ഷത്തിനു ശേഷമാണ് മലയാളത്തില്‍ ഒരു ഡിക്യു ചിത്രം റിലീസ് ചെയ്യുന്നത്. ബി.സി. നൗഫല്‍ എന്ന പുതുമുഖസംവിധായകന്‍ ആണ് ഈ ചിത്രം ഒരുക്കിയിരിക്കുന്നത്. അമര്‍ അക്ബര്‍ അന്തോണി, കട്ടപ്പനയിലെ ഹൃതിക് റോഷന്‍ എന്നീ ഹിറ്റുകള്‍ക്ക് ശേഷം വിഷ്ണു ഉണ്ണികൃഷ്ണന്‍-ബിബിന്‍ ജോര്‍ജ്ജ് എന്നിവരാണ് ഈ സിനിമയ്ക്ക് തിരക്കഥ ഒരുക്കിയിരിക്കുന്നത്.
തീവണ്ടി ഫെയിം സംയുക്താ മേനോനും, നിഖിലാ വിമലും ആണ് ഈ ചിത്രത്തിലെ നായികമാര്‍. കൂടാതെ മലയാളത്തിലെ മറ്റ് പ്രമുഖ താരങ്ങളും അഭിനയിക്കുന്നു. വളരെ സീരിയസായുള്ള കഥാപാത്രങ്ങള്‍ക്കു ശേഷം നര്‍മ്മത്തിന് പ്രാധാന്യം നല്‍കികൊണ്ടുള്ള ഒരു ചിത്രത്തില്‍ ദുല്‍ഖര്‍ അഭിനിയക്കുന്നുവെന്നുള്ള പ്രത്യേകതയും ഈ സിനിമയ്ക്കുണ്ട്. തിരക്കാഥാകൃത്തുക്കളുടെ മുന്‍ഹിറ്റുകള്‍ പോലെ തന്നെ ഈ ചിത്രവും ഒരു മെഗാഹിറ്റായി തീരുമെന്ന പ്രതീക്ഷയിലാണ് പ്രേക്ഷകര്‍.
