ആലപ്പുഴ:വീണ്ടും എന്‍എസ്എസിനുനേരെ പ്രതിഷേധം.നൂറനാട് കുടശിനാട് എന്‍എസ്എസ് കരയോഗ മന്ദിരത്തില്‍ കരിങ്കൊടി കെട്ടി.ജനറല്‍ സെക്രട്ടറി ജി സുകുമാരന്‍ നായര്‍ക്ക് അനുശോചനം രേഖപ്പെടുത്തി റീത്തും വച്ചു.കൊടശിനാട് എന്‍എസ്എസ് ഹൈസ്‌കൂളിലും കരിങ്കൊടിയുയര്‍ത്തി റീത്തും വച്ചിട്ടുണ്ട്.
കഴിഞ്ഞയാഴ്ച തിരുവനന്തപുരത്ത് മേലാംകോട് എന്‍എസ്എസ് കരയോഗ മന്ദിരത്തിന് നേരെ ആക്രമണം നടന്നിരുന്നു.ഇവിടുത്തെ ചട്ടമ്പി സ്വാമി സ്മൃതി മണ്ഡപത്തിന്റെ ചില്ലുകള്‍ തകര്‍ക്കുകയും പ്രതിമയ്ക്ക് സമീപം റീത്ത് വക്കുകയും ചെയ്തിരുന്നു.
ശബരിമല സ്ത്രീ പ്രവേശനത്തിനെതിരെ എന്‍എസ്എസ് നാമജപ യജ്ഞം നടത്തിയതില്‍ പ്രകോപിതരായവരാണ് ആക്രമണത്തിന് പിന്നിലെന്ന് സംശയിക്കുന്നതായി എന്‍എസ്എസ് ഭാരവാഹികള്‍ പ്രതികരിച്ചു.എന്‍എസ്എസ് പൊലീസില്‍ പരാതി നല്‍കിയിട്ടുണ്ട്.
