തിരുവനന്തപുരം:തിരുവനന്തപുരത്ത് സമീപം എന്‍എസ്എസ് കരയോഗ മന്ദിരത്തിന് നേരെ ആക്രമണം.പാപ്പനംകോട് മേലാംകോടിന് സമീപത്തെ എന്‍എസ്എസ് കരയോഗ മന്ദിരത്തിലെ ചട്ടമ്പി സ്വാമി സ്മൃതി മണ്ഡപത്തിന്റെ ചില്ലുകള്‍ അക്രമികള്‍ തകര്‍ത്തു.കൊടിമരത്തിന്റെ ചുവട്ടില്‍ സുകുമാരന്‍ നായരുടെ പേരില്‍ റീത്തും വച്ചു.ഇന്നലെ രാത്രിയാണ് ആക്രമണമുണ്ടായതെന്നു കരുതുന്നു.പൊലീസ് അന്വേഷണം തുടങ്ങി.ഫോറന്‍സിക് വിദഗ്ധരെത്തി പരിശോധന നടത്തിയതിന് ശേഷം റീത്ത് എടുത്തുമാറ്റി.
ശബരിമല സ്ത്രീ പ്രവേശനത്തിനെതിരെ എന്‍എസ്എസ് നാമജപ യജ്ഞം നടത്തിയിരുന്നു.ഇതില്‍ പ്രകോപിതരായവരാണ് ആക്രമണത്തിന് പിന്നിലെന്ന് സംശയിക്കുന്നതായി എന്‍എസ്എസ് ഭാരവാഹികള്‍ പറഞ്ഞു.
