ദില്ലി:പാലാ ഉപതെരഞ്ഞെടുപ്പില്‍ മല്‍സരിക്കാന്‍ താല്‍പര്യമുണ്ടെന്ന് എന്‍ഡിഎ നേതൃത്വത്തെ അറിയിക്കുമെന്ന് പിസി തോമസ്. പാലായില്‍ എന്‍ഡിഎക്ക് വിജയ സാധ്യതയുണ്ടെന്നാണ് കണക്കുകൂട്ടല്‍. കേരളാ കോണ്‍ഗ്രസില്‍ ഇരുവിഭാഗങ്ങള്‍ തമ്മിലുള്ള തര്‍ക്കം തുടരുന്ന സാഹചര്യം എന്‍ഡിഎയ്ക്ക് അനുകൂലമാക്കാമെന്നാണ് പിസി തോമസിന്റെ പ്രതീക്ഷ.
അതേസമയം പിസി ജോര്‍ജ്ജിന്റെ കേരള ജനപക്ഷം പാര്‍ട്ടിയും തെരഞ്ഞെടുപ്പില്‍ എന്‍ഡിഎ സീറ്റ് ആവശ്യപ്പെട്ടിട്ടുണ്ട്. അടുത്തകാലത്താണ് പിസി എന്‍ഡിഎ മുന്നണിയില്‍ ചേര്‍ന്നത്. കഴിഞ്ഞ നിയമസഭാ തെരഞ്ഞെടുപ്പിന് തൊട്ടുമുന്‍പാണ് പിസി ജോര്‍ജ്ജിനെ കേരള കോണ്‍ഗ്രസ്സില്‍ നിന്ന് പുറത്താക്കിയത്.
