പൊന്‍കുന്നം:പൊന്‍കുന്നം-കാഞ്ഞിരപ്പള്ളി പാതയില്‍ ശബരിമല തീര്‍ത്ഥാടകര്‍ സഞ്ചരിച്ചിരുന്ന ബസ് മറിഞ്ഞ് നിരവധി പേര്‍ക്ക് പരിക്ക്.ഇന്ന് പുലര്‍ച്ചെ ഒരുമണിയോടെയായിരുന്നു അപകടം.ഗുരുവായൂരില്‍ നിന്നും ശബരിമലയ്ക്ക് പുറപ്പെട്ട തീര്‍ത്ഥാടകരുടെ ബസ് താന്നിമൂട് വളവില്‍ വച്ച് നിയന്ത്രണംവിട്ട് മറിയുകയായിരുന്നു.
ബസില്‍ നാല്പത്തിയഞ്ചോളം തീര്‍ത്ഥാടകരുണ്ടായിരുന്നെന്നു പറയപ്പെടുന്നു. ഇവരില്‍ പകുതിയോളംപേര്‍ക്ക് പരിക്കേറ്റിട്ടുണ്ട്.പരുക്കേറ്റവരെ കാഞ്ഞിരപ്പള്ളി,പൊന്‍കുന്നം എന്നിവിടങ്ങളിലെ ആശുപത്രികളില്‍ പ്രവേശിപ്പിച്ചിരിക്കുകയാണ്.ഗുരുതരമായി പരുക്കേറ്റവരെ കോട്ടയം മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി.
