തിരുവനന്തപുരം:വയലിന്‍ മാന്ത്രികന്‍ ബാലഭാസ്‌കറിന്റെ അകാലവിയോഗത്തില്‍ കണ്ണീര്‍ വാര്‍ക്കുകയാണ് ഓരോ മലയാളിയും.ആ സംഗീതപ്രതിഭയുടെ വിയോഗത്തില്‍ സമൂഹത്തിന്റെ വിവിധ കോണുകളില്‍ നിന്നും അനുശോചനം പ്രവഹിക്കുകയാണ്. ബാലഭാസ്‌കറിന്റെ മരണം നികത്താനാവാത്ത നഷ്ടമെന്ന് ഗായകന്‍ കെ.ജെ. യേശുദാസ് പറഞ്ഞു.സംഗീതത്തെ അത്രമേല്‍ സ്‌നേഹിച്ചിരുന്ന വ്യക്തിയായിരുന്നു അദ്ദേഹമെന്നും യേശുദാസ് അനുസ്മരിച്ചു.
‘വിസ്മയം തീര്‍ത്ത മാന്ത്രിക വിരലുകള്‍…ആ സംഗീതം മരിക്കുന്നില്ല.പ്രിയപ്പെട്ട ബാലുവിന് ആദരാഞ്ജലികള്‍.തന്റെ ഫേസ്ബുക്ക് പേജിലൂടെ നടന്‍ മോഹന്‍ലാല്‍ കുറിച്ചു.പകരം വയ്ക്കാനാകാത്ത പ്രതിഭയയെയാണ് ബാലഭാസ്‌കറിന്റെ മരണത്തിലൂടെ നഷ്ടമായതെന്ന് പ്രശസ്ത വാദ്യകലാകാരന്‍ മട്ടന്നൂര്‍ ശങ്കരന്‍കുട്ടി അനുസ്മരിച്ചു.ബാലഭാസ്‌കറിനൊപ്പം വേദികളില്‍ ഫ്യൂഷന്‍ സംഗീത പ്രകടനം കാഴ്ചവെച്ച കലാകാരനാണ് മട്ടന്നൂര്‍ .
