സഹോദരന്‍ മധു വാര്യര് സംവിധാനം ചെയ്യുന്ന ചിത്രത്തിന്റെ നിര്‍മ്മാണം ഏറ്റെടുത്ത് മഞ്ജു വാര്യര്. ചിത്രത്തില്‍ മഞ്ജു വാരിയര്‍ തന്നെയാണ് നായികയായെത്തുന്നത്. ബിജുമേനോന്‍ നായകാനായെത്തുന്നു. മഞ്ജു വാര്യര് പ്രൊഡക്ഷന്‍ സെഞ്ച്വറിയുടെ സഹകരണത്തോടെ നിര്‍മ്മിക്കുന്ന ചിത്രത്തിന്റെ ടൈറ്റില്‍ മമ്മൂട്ടിയും മോഹന്‍ലാലും ചേര്‍ന്ന് പുറത്തിറക്കി. ലളിതം സുന്ദരം എന്നാണ് സിനിമയുടെ പേര്. ഹരിനാരായണനാണ് ചിത്രത്തിന് ഗാനങ്ങളൊരുക്കുന്നത്. സംഗീതം നല്‍കുന്നത് ബിജിബാലാണ്. പി.സുകുമാറാണ് ഛായാഗ്രഹണം. പ്രണയവര്‍ണ്ണങ്ങള്‍, കൃഷ്ണഗുഡിയില്‍ ഒരു പ്രണയകാലത്ത്, കുടമാറ്റം, സല്ലാപം എന്നീ ചിത്രങ്ങള്‍ക്കു ശേഷം മഞ്ജുവും, ബിജു മേനോനും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്. മധു വാര്യര് ആദ്യമായി സംവിധാനം ചെയ്യുന്ന ചിത്രമാണിത്. ക്യാംപസ് എന്ന ചിത്രത്തിലൂടെ അഭിനയത്തിലേക്കെത്തിയ മധു മായാമോഹിനി, സ്വലേ എന്ന ചിത്രങ്ങളുടെ സഹനിര്‍മ്മാതാവ് കൂടിയാണ്.
