ആരാധകരും സിനിമാ പ്രേമികളും ഒന്നടങ്കം കാത്തിരിക്കുന്ന മരയ്ക്കാര്‍ അറബിക്കടലിന്റെ സിംഹം എന്ന ചിത്രത്തിന്റെ റിലീസ് ഡേറ്റ് അണിയറ പ്രവര്‍ത്തകര്‍ പുറത്ത് വിട്ടു. അടുത്ത് വര്‍ഷം മാര്‍ച്ച് 19-നാണ് സിനിമ റിലീസ് ചെയ്യുന്നത്. നിര്‍മ്മാതാവ് ആന്റണി പെരുമ്പാവുര്‍ തന്നെയാണ് ഇക്കാര്യം ഔദ്യോഗികമായി പ്രഖ്യാപിച്ചത്. ഒരിടവേളയ്ക്കു ശേഷം പ്രിയദര്‍ശന്‍-മോഹന്‍ലാല്‍ കൂട്ടുകെട്ടില്‍ 100 കോടി ബഡ്ജറ്റില്‍ എടുക്കുന്ന ബ്രഹ്മാണ്ഡചിത്രമാണിത്. ചിത്രീകരണം നേരത്തേ പൂര്‍ത്തിയായ സിനിമ നിലവില്‍ അവസാന ഘട്ടത്തിലാണുള്ളത്. മോഹന്‍ലാലിനൊപ്പം വന്‍താരനിരതന്നെ ചിത്രത്തില്‍ അണിനിരക്കുന്നുണ്ട്. മഞ്ചുവാര്യര്‍, പ്രഭു, സുനില്‍ഷെട്ടി, സിദ്ധിഖ്, മുകേഷ്, നെടുമുടി വേണു, ബാബുരാജ്, അശോക് സെല്‍വന്‍. കീര്‍ത്തി സുരേഷ്, കല്ല്യാണി പ്രിയദര്‍ശന്‍ തുടങ്ങിയവരാണ് സിനിമയില്‍ മറ്റു പ്രധാന വേഷങ്ങള്‍ കൈകാര്യം ചെയ്യുന്നത്. മലയാളത്തിന് പുറമെ തമിഴ്, തെലുങ്ക്, ഹിന്ദി, അറബിക്ക്, ചൈനീസ് ഭാഷകളിലും ചിത്രം പുറത്തിറങ്ങുമെന്നാണ് റിപ്പോര്‍ട്ടുകള്‍.
