ആലപ്പുഴ:മൂന്നു സീറ്റുകളില്‍ ബിഡിജെഎസ് സ്ഥാനാര്‍ത്ഥികളെ പ്രഖ്യാപിച്ചു.മാവേലിക്കരയില്‍ തഴവ സഹദേവന്‍,ഇടുക്കി യില്‍ ബിജുകൃഷ്ണന്‍,ആലത്തൂരില്‍ ടിവി ബാബു എന്നിങ്ങനെയാണ് സ്ഥാനാര്‍ത്ഥികള്‍.തൃശൂരും വയനാടും ഒഴിച്ചിട്ടു.വയനാട്ടില്‍ രാഹുല്‍ ഗാന്ധി എത്തുകയാണെങ്കില്‍ അവിടെ മല്‍സരിക്കുന്ന കാര്യം എന്‍ഡിഎയുമായി ആലോചിച്ച് തീരുമാനിക്കുമെന്ന് തുഷാര്‍ വെള്ളാപ്പള്ളി പറഞ്ഞു.
തെരഞ്ഞെടുപ്പില്‍ മല്‍സരിക്കാനായി ബിജെപിയോട് ഉപാധികളൊന്നും വെച്ചിട്ടില്ലെന്ന് തുഷാര്‍ പറഞ്ഞു.തൃശൂര്‍ എന്‍ഡിഎയ്ക്കു ജയസാധ്യതയുള്ള സീറ്റാണ്.മല്‍സരിക്കുന്ന കാര്യം താനല്ല പറയേണ്ടത്.ബിഡിജെഎസ് കൗണ്‍സില്‍ കൂടി തീരുമാനിച്ച് മല്‍സരിക്കണമെന്നു പറഞ്ഞാല്‍ തീര്‍ച്ചയായും എവിടെയെങ്കിലും മല്‍സരിക്കുമെന്നും തുഷാര്‍ പറഞ്ഞു.
