തിരുവനന്തപുരം:വിഴിഞ്ഞത്ത് നിന്നും മത്സ്യബന്ധനത്തിന് പോയ നാല് പേരെ കാണാതായതായി.പുതിയതുറ സ്വദേശികളായ ലൂയീസ്,ബെന്നി, കൊച്ചുപള്ളി സ്വദേശികളായ യേശുദാസന്‍, ആന്റണി എന്നിവരെയാണ് കാണാതായത്. ബുധനാഴ്ച വൈകിട്ട് കടലില്‍ പോയ തൊഴിലാളികള്‍ ഇന്നലെ രാവിലെ മടങ്ങിയെത്തേണ്ടതായിരുന്നു .എന്നാല്‍ വൈകുന്നേരമായിട്ടും എത്താത്തതിനെത്തുടര്‍ന്ന് വള്ളത്തിന്റെ ഉടമയായ വിഴിഞ്ഞം സ്വദേശി പുഷ്പരാജന്‍ തീരദേശ പൊലീസിനേയും മറൈണ്‍ എന്‍ഫോഴ്‌സ്‌മെന്റിനേയും വിവരമറിയിച്ചു.
കോസ്റ്റല്‍ പോലീസും മറൈന്‍ എന്‍ഫോഴ്‌സ്‌മെന്റും തെരച്ചില്‍ നടത്തിയെങ്കിലും ഇതുവരെയും മത്സ്യതൊഴിലാളികളെ കണ്ടെത്താനായിട്ടില്ല.തെരച്ചില്‍ തുടരുകയാണ്.
