കോഴിക്കോട്:പത്തനംതിട്ടയില്‍ യുഡിഎഫിന്റെ കുപ്രചരണങ്ങളില്‍ വോട്ടര്‍മാര്‍ പെട്ടിട്ടുണ്ടാകുമെന്ന് ബിജെപി സംസ്ഥാന അധ്യക്ഷന്‍ പിഎസ് ശ്രീധരന്‍ പിള്ള.ശബരിമലയെ പോലും യുഡിഎഫ് ബിജെപിക്കെതിരായാണ് ഉപയോഗിച്ചത്.ജയിക്കില്ലെന്ന നെഗറ്റീവ് ചിന്ത കാരണം ബിജെപിക്ക് കിട്ടുമായിരുന്ന വോട്ടുകള്‍ യുഡിഎഫിന് പോയിരിക്കാമെന്നും ശ്രീധരന്‍ പിള്ള പറഞ്ഞു.
തിരുവനന്തപുരം ഒഴികെ ബിജെപിക്ക് സാധ്യത കല്‍പ്പിക്കാതെയാണ് എക്‌സിറ്റ് പോള്‍ ഫലങ്ങള്‍ പുറത്തുവന്നത്. എന്നാല്‍ എക്‌സിറ്റ് പോളുകള്‍ വിശ്വാസത്തിലെടുക്കുന്നില്ലെന്നു പറഞ്ഞ ശ്രീധരന്‍പിള്ള എക്‌സിറ്റ് പോളുകള്‍ ശരിയാണെങ്കില്‍ രാജ്യത്തെ ഏറ്റവും രാഷ്ട്രീയ പ്രബുദ്ധതയില്ലാത്ത ജനങ്ങളുടെ നാടായി കേരളം മാറിയെന്നും വിമര്‍ശിച്ചു. കേരളത്തില്‍ യു.ഡി.എഫ് മുന്നേറ്റമുണ്ടായാല്‍ ഉത്തരവാദി എല്‍.ഡി.എഫ് ആണെന്നും ശ്രീധരന്‍പിള്ള പറഞ്ഞു.
