നിവിന്‍ പോളിയെ നായകനാക്കി രാജീവ് രവി സംവിധാനം ചെയ്യുന്ന തുറമുഖത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. പ്രക്ഷുബ്ധമായ ഒരു കാലഘട്ടത്തിന്റെ വെല്ലുവിളികളില്‍ പതറാത്ത കുറെ മനുഷ്യര്‍ വിയര്‍പ്പും ചോരയും കൊണ്ടെഴുതിയ ചരിത്രം എന്ന ടാഗ്‌ലൈനോടെയാണ് ചിത്രത്തിന്റെ ഫസ്റ്റ്‌ലുക്ക് പുറത്ത് വിട്ടിരിക്കുന്നത്. കൊച്ചി തുറമുഖത്തെ തൊഴിലാളി സംഘടനകളുടെയും പ്രക്ഷോഭങ്ങളുടെയും കഥയാണ് തുറമുഖം പറയുന്നത്. രാജീവ് രവി മുന്‍പ് ഒരുക്കിയ അന്നയും റസൂലും, കമ്മട്ടിപ്പാടവും നിരൂപക പ്രശസയും, ബോക്‌സ് ഓഫീസ് ഹിറ്റും കരസ്ഥമാക്കിയിരുന്നു. ഗീതു മോഹന്‍ദാസ് സംവിധാനം ചെയ്ത മൂത്തോന്റെ ഛായാഗ്രഹണം നിര്‍വ്വഹിച്ച്ത് രാജീവ്‌രവി ആയിരുന്നു. സിനിമയുടെ ഷൂട്ടിംഗ് നിലവില്‍ പുരോഗമിച്ചു കൊണ്ടിരിക്കുകയാണ്.നിരന്തരമായ പരാജയങ്ങൾ കൊണ്ട് സിനിമാ വിപണിയിൽ വളരെ താഴെ പോയ നിവിൻ പോളിയുടെ കയ്യിൽ അവശേഷിക്കുന്ന വലിയ പ്രൊജക്റ്റ് ആണ് ‘തുറമുഖം’. ഇതും കൂടി വിജയിക്കാതെ വന്നാൽ നിവിൻപോളി എന്ന താരത്തിന്റെ അന്ത്യം തന്നെയാകും എന്നത് ഏറെക്കുറെ തീർച്ചയാണ് .
നിവിന്‍പോളിയ്ക്കു പുറമെ ബിജു മേനോന്‍, നിമഷ സജയന്‍. പൂര്‍ണ്ണിമ ഇന്ദ്രജിത്ത്, അര്‍ജ്ജുന്‍ അശോകന്‍, ഇന്ദ്രജിത്ത്, മണികണ്ഠന്‍ ആചാരി തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്‍. തെക്കേപ്പാട്ട് ഫിലിംസിന്റെ ബാനറില്‍ സുകുമാര്‍ തെക്കെപ്പാട്ട് ആണ് നിര്‍മ്മാണം.
