ആലപ്പുഴ:അഞ്ചാം ക്ലാസ്സുകാരിയെ പീഡിപ്പിക്കാന്‍ ശ്രമിച്ച ബസ് കണ്ടക്ടര്‍ അറസ്റ്റില്‍.മലപ്പുറം സ്വദേശി ഗഫൂറിനെയാണ് കായംകുളം പൊലീസ് അറസ്റ്റ് ചെയ്തത്.ഇയാള്‍ക്കെതിരെ പോക്‌സോ നിയമപ്രകാരം കേസെടുത്തു.
കായംകുളത്തെ കരീലക്കുളങ്ങരയിലാണ് സംഭവം. നങ്ങ്യാര്‍കുളങ്ങരയില്‍ നിന്ന് അമ്മയ്ക്കും സഹോദരന്‍മാര്‍ക്കുമൊപ്പം ചവറയിലേക്ക് പോകാനാണ് കുട്ടി ബസ്സില്‍ കയറിയത്.കുട്ടി തനിച്ച് സീറ്റില്‍ ഇരിക്കുന്നതു കണ്ടാണ് കണ്ടക്ടര്‍ അടുത്തുകൂടി പീഡനശ്രമം നടത്തിയത്.എന്നാല്‍ കുട്ടി ബഹളം വെച്ചതിനെത്തുടര്‍ന്ന് യാത്രക്കാര്‍ പോലീസിലറിയിക്കുകയായിരുന്നു.തുടര്‍ന്ന് പോലീസെത്തി ബസ് തടഞ്ഞിട്ട് കണ്ടക്ടറെ അറസ്റ്റ് ചെയ്യുകയായിരുന്നു.
