ചിറയിന്‍കീഴ്: അഞ്ചുതെങ്ങില്‍ പോലീസിനെക്കണ്ട് കായലില്‍ച്ചാടിയ യുവാവ് മരിച്ചു. ചീട്ടു കളിച്ചുകൊണ്ടിരിക്കെ പോലീസ് എത്തിയപ്പോഴാണ് യുവാവ് ഓടി കായലില്‍ച്ചാടിയത്. ഉടന്‍ തന്നെ യുവാവിനെ കരയ്ക്കു കയറ്റി ആശുപത്രിയിലെത്തിച്ചെങ്കിലും മരണം സംഭവിച്ചു.
പ്രദേശത്ത് മീന്‍കുഞ്ഞുങ്ങളെ മോഷ്ടിച്ചതായി പരാതി ലഭിച്ചതിന്റെ അടിസ്ഥാനത്തിലാണ് അവിടെയെത്തിയതെന്നാണ് പോലീസ് പറയുന്നത്.ചീട്ടുകളിക്കാരെ പിടികൂടാനല്ല പോയതെന്നും എന്നാല്‍ തങ്ങളെക്കണ്ട് യുവാവ് കായലില്‍ച്ചാടുകയായിരുന്നെന്നുമാണ് പോലീസ് ഭാഷ്യം.
അതേസമയം ചിറയില്‍കീഴ് ആശുപത്രിയില്‍ യുവാവിനെ എത്തിച്ച് മരണം സ്ഥിരീകരിച്ചതിനു പിന്നാലെ പോലീസ് അവിടെനിന്നും പോയെന്നാണ് ആശുപത്രി ജീവനക്കാര്‍ പറയുന്നത്.യുവാവിന്റെ പേരു വിവരങ്ങള്‍ ഇതുവരെ ലഭിച്ചിട്ടില്ല.
