കൊച്ചി:അധിക വോട്ട് കണ്ടെത്തിയ കളമശ്ശേരി നിയോജക മണ്ഡലത്തിലെ 83-ാം നമ്പര്‍ ബൂത്തില്‍ 30-ന് റീപോളിംഗ് നടക്കും. രാവിലെ ഏഴ് മുതല്‍ വൈകിട്ട് ആറ് വരെയാണ് പോളിംഗ്.പോള്‍ ചെയ്തതിനേക്കാള്‍ 43 വോട്ടുകള്‍ അധികമായി കണ്ടെത്തിയതിനെതുടര്‍ന്നാണ് റീപോളിംഗ് നടത്താന്‍ തെരഞ്ഞെടുപ്പു കമ്മീഷന്‍ തീരുമാനമെടുത്തത്.
പോള്‍ ചെയ്ത 715 വോട്ടുകളേക്കാള്‍ 43 വോട്ടുകള്‍ കളമശ്ശേരി ബൂത്തില്‍ അധികം കണ്ടെത്തുകയായിരുന്നു. ബൂത്തില്‍ റീപോളിംഗ് നടത്തണമെന്ന് സ്ഥാനാര്‍ത്ഥികള്‍ ആവശ്യപ്പെട്ടിരുന്നു.റീപോളിംങ് നടത്തുന്ന ഒരേയൊരു ബൂത്താണിത്.
