പഞ്ചാബ്:അമൃത്‌സറില്‍ ദസറ ആഘോഷത്തിനിടയിലേക്ക് ട്രെയിന്‍ പാഞ്ഞുകയറി 50 പേര്‍ മരിച്ചു.അമൃസറിലെ ധോബി ഖട്ടില്‍ വൈകിട്ട് 6.30ഓടെയാണ് അപകടമുണ്ടായത്.ദസറ ആഘോഷത്തോടനുബന്ധിച്ച് റെയില്‍ ട്രാക്കിന് സമീപം രാവണ രൂപം കത്തിക്കുന്നതിനിടെ ട്രെയിന്‍ പാഞ്ഞു കയറുകയായിരുന്നു.പടക്കം പൊട്ടിച്ചും മറ്റുമുള്ള ആഘോഷത്തിന്റെ ബഹളത്തിനിടെ ട്രയിന്‍ വരുന്നത് ആരും അറിഞ്ഞില്ല. ടാക്കിലുണ്ടായിരുന്നവരാണ് അപകടത്തില്‍പ്പെട്ടതെന്നാണ് പ്രാഥമിക വിവരം.
മരണ സംഖ്യ ഇനിയും ഉയര്‍ന്നേക്കാമെന്നു പറയുന്നു.ആയിരത്തിനടുത്ത് ആളുകള്‍ സംഭവസ്ഥലത്തു തടിച്ചു കൂടിയിരുന്നു.നിരവധിപേര്‍ക്കു പരിക്കേറ്റിട്ടുണ്ട്.
