തിരുവനന്തപുരം:അമ്പൂരിയില്‍ രാഖി എന്ന യുവതിയെ കൊന്നു കുഴിച്ചു മൂടിയ സംഭവത്തില്‍ ഒന്നാം പ്രതിയായ അഖിലിന്റെ സഹോദരന്‍ രാഹുലിനെ പോലീസ് അറസ്റ്റ് ചെയ്തു.ഇയാളില്‍ നിന്നും നിര്‍ണ്ണായക വിവരങ്ങള്‍ ലഭിച്ചതായാണ് സൂചന. കൊലപാതകത്തില്‍ രാഹുലിനും പങ്കുണ്ടെന്ന് പോലീസ് കണ്ടെത്തിയിരുന്നു.
പോലീസ് അന്വേഷണം ഫലപ്രദമല്ലെന്ന് രാഖിയുടെ അച്ഛന്‍ രാജന്‍ പറഞ്ഞു. രാഖിയുടെ കൊലപാതകത്തില്‍ അഖിലിന്റെ മാതാപിതാക്കള്‍ക്ക് പങ്കുണ്ടെന്നും രാഖിയുടെ പിതാവ് രാജന്‍ ആരോപിക്കുന്നു. ഇരുവരും വിവാഹിതരായ കാര്യവും മറ്റും അഖിലിന്റെ വീട്ടുകാര്‍ക്കറിയാമായിരുന്നു. പ്രതികളെ കുറിച്ച് വിവരങ്ങളെല്ലാം പൊലീസിന് അറിയാമായിരുന്നിട്ടും ഇതുവരെ പ്രതികളെ കണ്ടെത്താന്‍ പൊലീസിന് കഴിഞ്ഞിട്ടില്ലെന്നും രാഖിയുടെ അച്ഛന്‍ ആരോപിക്കുന്നു.
അതേസമയം മകന്‍ പട്ടാള ഉദ്യോഗസ്ഥരുമൊത്ത് ഉടന്‍ നാട്ടിലേക്കെത്തുമെന്ന് അഖിലിന്റെ അച്ഛന്‍ മണിയന്‍ പറഞ്ഞു.മകന്‍ നിരപരാധിയാണെന്നും അച്ഛന്‍ പറഞ്ഞു.അഖിലിനെ അന്വേഷിച്ച് പോലീസ് ദില്ലിക്ക് പോയിരുന്നു.
