കൊല്‍ക്കത്ത:ലോക്‌സഭാ തെരഞ്ഞെടുപ്പിന്റെ അവസാനഘട്ടവോട്ടെടുപ്പിന് കൊട്ടിക്കലാശം ഇന്ന്.50 മണ്ഡലങ്ങളിലല്‍ ഇന്ന് പരസ്യ പ്രചരണം അവസാനിക്കും.കേരളത്തില്‍ റീപോളിങ് നടക്കുന്ന മണ്ഡലങ്ങളിലും ഇന്ന് പ്രചരണം നടക്കും. പശ്ചിമ ബംഗാളിലെ പരസ്യ പ്രചരണം ഇന്നലെ രാത്രി പത്തു മണിക്ക് അവസാനിച്ചിരുന്നു.പോളിങ് ദിവസങ്ങളില്‍ തുടര്‍ച്ചയായി നടന്ന സംഘര്‍ഷങ്ങളെത്തുടര്‍ന്നാണ് തെരഞ്ഞെടുപ്പു കമ്മീഷന്‍ ബംഗാളിലെ പ്രചരണം വെട്ടിക്കുറച്ചത്.
പഞ്ചാബ്, ഉത്തര്‍ പ്രദേശ് എന്നിവിടങ്ങളിലെ പതിമൂന്നു വീതം മണ്ഡലങ്ങളിലും ബിഹാറിലും മധ്യപ്രദേശിലും എട്ടു മണ്ഡലങ്ങളിലും ഹിമാചല്‍ പ്രദേശില്‍ നാലും ഝാര്‍ഖണ്ഡില്‍ മൂന്നും ചണ്ഡീഗഡിലെ ഒന്നും മണ്ഡലങ്ങളില മറ്റന്നാള്‍ വോട്ടെടുപ്പ് നടക്കും.
പ്രധാനമന്ത്രി നരേന്ദ്ര മോദി,ശത്രുഘ്‌നന്‍ സിന്‍ഹ,രവിശങ്കര്‍ പ്രസാദ്,സണ്ണി ഡിയോള്‍,എന്നിവരാണ് അവസാന ഘട്ടത്തില്‍ വിധി തേടുന്ന പ്രമുഖ സ്ഥാനാര്‍ഥികള്‍.
