ചേപ്പാട്:ദേശീയപാതയില്‍ ചേപ്പാട് വാഹനാപകടത്തില്‍ ഒരാള്‍ മരിച്ചു.ടെംമ്പോ ട്രാവലറും ലോറിയും കൂട്ടിയിച്ച് നെയ്യാറ്റിന്‍കര സ്വദേശിയായ ഷാരോണ്‍ (26) ആണ് മരിച്ചത്.നാല് പേരെ ഗുരുതരമായ നിലയില്‍ ആശുപത്രിയില്‍ പ്രവേശിപ്പിച്ചു.
പുലര്‍ച്ചെ 5.15നാണ് അപകടമുണ്ടായത്. തിരുവനന്തപുരം നെയ്യാറ്റിന്‍കര അതിയന്നൂരില്‍ നിന്ന് കുട്ടിയുടെ ചോറൂണിനായി ചോറ്റാനിക്കരയ്ക്ക് പോയ സംഘമാണ് അപകടത്തില്‍പ്പെട്ടത്. ഇവര്‍ സഞ്ചരിച്ച ടെംമ്പോ ട്രാവലര്‍ എതിരെ വന്ന പച്ചക്കറി ലോറിയിലും പുറകില്‍ വന്ന മറ്റൊരു ലോറിയിലും ഇടിച്ച് മറിയുകയായിരുന്നു.20 യാത്രക്കാരാണ് ടെംമ്പോ ട്രാവലറിലുണ്ടായിരുന്നത്.മരിച്ച ഷാരോണ്‍ ആണ് ട്രാവലര്‍ ഓടിച്ചിരുന്നത്.പരിക്കേറ്റവരെ ആലപ്പുഴ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
