സാഫിപുര്‍:ഉത്തര്‍പ്രദേശിലെ ഉന്നാവോയില്‍ 12 വയസ്സുകാരിയായ ദളിത് പെണ്‍കുട്ടിയെ തട്ടിക്കൊണ്ടുപോയി പീഡിപ്പിച്ച് കൊലപ്പെടുത്തി.ഉന്നാവ ജില്ലയിലെ സാഫിപുര്‍ കൊട്വലി പൊലീസ് സ്റ്റേഷന്‍ പരിധിയില്‍ വെള്ളിയാഴ്ചയാണ് സംഭവം.തല തകര്‍ന്ന നിലയിലാണ് കുട്ടിയുടെ മൃതദേഹം കണ്ടെത്തിയത്.
വീടിന് പുറത്തുള്ള ചെറിയ കെട്ടിടത്തില്‍ പിതാവിനൊപ്പം ഉറങ്ങിക്കിടക്കുമ്പോഴാണ് പെണ്‍കുട്ടിയെ അജ്ഞാതര്‍ തട്ടിക്കൊണ്ടുപോയത്. തുടര്‍ന്ന് കുട്ടിക്കായി നടത്തിയ തെരച്ചിലിലാണ് ഗ്രാമത്തിനകലെ ഒരിടത്തുനിന്നും കുട്ടിയുടെ മൃതദേഹം കണ്ടെത്തിയത്. സംഭവത്തിനു പിന്നില്‍ കുട്ടിയുടെ അയല്‍ക്കാരനാണെന്നാണ് സൂചന .പ്രതിയെ ഉടന്‍ അറസ്റ്റ് ചെയ്യുമെന്നു ംപോലീസ് പറഞ്ഞു.
