റായ്ബറേലി:ഉത്തര്‍പ്രദേശിലെ റായ്ബറേലിയില്‍ ട്രെയിന്‍ പാളം തെറ്റി അഞ്ച് പേര്‍ മരിച്ചു.നിരവധി പേര്‍ക്ക് പരിക്കേറ്റു.ഹര്‍ചന്ദന്‍പൂര്‍ സ്‌റ്രേഷന് സമീപം രാവിലെ ആറ് മണിയോടെയായിരുന്നു അപകടം.മാല്‍ഡയില്‍ നിന്ന് ഡല്‍ഹിയിലേക്ക് വരികയായിരുന്ന ന്യൂ ഫറാക്ക എക്സ്പ്രസിന്റെ എഞ്ചിനും ബോഗികളുമാണ് പാളം തെറ്റിയത്.എന്‍ജിനു സമീപത്തെ അഞ്ചു ബോഗികളാണ് പാളം തെറ്റിയത്.
അപകടത്തെ തുടര്‍ന്ന് ദ്രുതകര്‍മ്മസേനയും പോലീസും സ്ഥലത്തെത്തി.ഗുരുതരപരിക്കേറ്റവരെ വാരണാസിയിലെ ആശുപ്രത്രിയിലേക്കു മാറ്റി.ട്രെയിന്‍ പാളം തെറ്റിയതിന്റെ കാരണം ഇതുവരെ അറിവായിട്ടില്ല.രക്ഷാപ്രവര്‍ത്തനം പുരോഗമിക്കുന്നു.
