ന്യൂഡല്‍ഹി:ബഹിരാകാശരംഗത്ത് ഇന്ത്യയുടെ വന്‍ നേട്ടമായി അവതരിപ്പിക്കപ്പെട്ട ഉപഗ്രഹവേധ പരീക്ഷണത്തിനെതിരെ അമേരിക്ക.ഉപഗ്രഹവേധ പരീക്ഷണം ബഹിരാകാശത്ത് മലിനീകരണത്തിന് കാരണമാകുമെന്നാണ് അമേരിക്കയുടെ മുന്നറിയിപ്പ്.എന്നാല്‍ ഇന്ത്യ ഈ വാദത്തെ തള്ളി.അന്തരീക്ഷത്തിലെ താഴ്ന്ന ഓര്‍ബിറ്റിലാണ് പരീക്ഷണം നടത്തിയതെന്നും പരീക്ഷണത്തിലെ അവശിഷ്ടങ്ങളെക്കുറിച്ച് ആശങ്ക വേണ്ടെന്നുമാണ് ഇന്ത്യ പറയുന്നത്.ബഹിരാകാശം എല്ലാവര്‍ക്കും പ്രവര്‍ത്തിക്കുവാനുള്ള ഇടമാണെന്നും പരീക്ഷണത്തില്‍ ഉണ്ടായ 250 ചെറു ഭാഗങ്ങളെ നിരീക്ഷിക്കുകയാണെന്നും ഇന്ത്യ വ്യക്തമാക്കി.
മിഷന്‍ ശക്തി എന്ന പേരില്‍ ഉപഗ്രഹവേധ മിസൈല്‍ വിജയകരമായി പരീക്ഷിച്ചുവെന്ന് ഇന്നലെ പ്രധാനമന്ത്രിയാണ് രാജ്യത്തെ അറിയിച്ചത്.ഈ നേട്ടം കൈവരിക്കുന്ന നാലാമത്തെ രാജ്യമാണ് ഇന്ത്യയെന്നും മോദി പറഞ്ഞിരുന്നു.
