തിരു: വീട്ടിനുള്ളില്‍ ഉറങ്ങിക്കിടക്കുമ്പോള്‍ പാമ്പുകടിയേറ്റ് പെണ്‍കുട്ടി മരിച്ചു. വ്‌ളാത്താങ്കര മാച്ചിയോട് കാഞ്ഞിരക്കാട് വീട്ടില്‍ അനില്‍-മെറ്റില്‍ഡ ദമ്പതികളുടെ മകള്‍ പ്ലസ് ടു വിദ്യാര്‍ത്ഥിനിയായ അനിഷ്മ(17)യാണ് മരിച്ചത്. കഴിഞ്ഞ ദിവസം രാത്രി ഉറങ്ങി ക്കിടക്കുമ്പോള്‍ ജനാലയിലൂടെ എത്തിയ പാമ്പ് അനിഷ്മയെ കടിക്കുകയായിരുന്നു. ഉടന്‍ തന്നെ വീട്ടുകാര്‍ അടുത്തുള്ള വൈദ്യനെ കാണിച്ച് ചികില്‍സ നല്‍കിയെങ്കിലും അര്‍ധരാത്രിയോടെ കുട്ടി അബോധാവസ്ഥയിലായി. തുടര്‍ന്ന് നെയ്യാറ്റിന്‍കര ജില്ല ആശുപത്രിയിലെത്തിച്ചെങ്കിലും നില ഗുരുതരമായതോടെ മെഡിക്കല്‍ കോളേജ് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി. എന്നാല്‍ ആശുപത്രിയിലെത്തും മുന്‍പേ പെണ്‍കുട്ടിയുടെ മരണം സംഭവിച്ചു.
