ആലുവ:എയര്‍ലിഫ്റ്റിങിലൂടെ സൈനീകര്‍ രക്ഷപ്പെടുത്തിയ
യുവതിക്ക് ആശുപത്രിയില്‍ സുഖപ്രസവം.പ്രളയക്കെടുതിയില്‍ കുടുങ്ങിപ്പോയ ആലുവ ചെങ്ങമനാട് സ്വദേശി സജിത ജബീല്‍ നേവി ആസ്ഥാനത്തെ സഞ്ജീവിനി ആശുപത്രിയില്‍ ഒരു ആണ്‍കുട്ടിക്ക് ജന്മം നല്‍കി.കെട്ടിടത്തിന് മുകളില്‍ ഗര്‍ഭിണിയായ സ്ത്രീ കുടുങ്ങിക്കിടക്കുന്നുവെന്ന വാര്‍ത്ത പൊതുജനങ്ങളടക്കം സോഷ്യല്‍ മീഡിയയിലൂടെ പ്രചരിപ്പിച്ചിരുന്നു.കണ്‍ട്രോള്‍ റൂമിലേക്ക് വിവരം അറിയിച്ചതോടെ നേവിസംഘം രക്ഷപ്പെടുത്തുകയായിരുന്നു.
കെട്ടിടത്തിന്റെ മുകളിലായിരുന്ന യുവതിയെ രക്ഷപ്പെടുത്തുന്നതിന്റെ വീഡിയോയും യുവതി ആണ്‍കുഞ്ഞിനെ പ്രസവിച്ച വിവരവും നാവികസേന ട്വിറ്ററില്‍ പങ്കുവച്ചിരുന്നു.യുവതിയും കുഞ്ഞും സുഖമായിരിക്കുന്നെന്നും ട്വിറ്ററില്‍ പറയുന്നു.
