കൊച്ചി:എറണാകുളം സൗത്ത് റെയില്‍വേ സ്റ്റേഷന് സമീപം ചെരുപ്പ് ഗോഡൗണില്‍ തീപിടിത്തം.ഫയര്‍ ഫോഴ്സ് എത്തി തീ അണയ്ക്കാന്‍ ശ്രമിക്കുന്നു.6 നിലകളുള്ള പാരഗണ്‍ ഗോഡൗണിനാണ് തീപിടിച്ചത്.തീയണയ്ക്കാനുള്ള ശ്രമങ്ങള്‍ ഇതുവരെ വിജയംകണ്ടിട്ടില്ല.വലിയ രീതിയില്‍ പടരുന്ന തീ സമീപത്തെ കെട്ടിടങ്ങളിലേക്ക് പടര്‍ന്ന് പിടിക്കാതിരിക്കാനുള്ള ഫയര്‍ ഫോഴ്സ്ഊര്‍ജ്ജിതമായി ശ്രമിച്ചുകൊണ്ടിരിക്കുകയാണ്.
വലിയ തോതില്‍ പുക പടരുന്നതിനാല്‍ അത് ശ്വസിച്ച് അപകടമുണ്ടാവാതിരിക്കാന്‍ ദുരന്തനിവാരണ അഥോറിറ്റി ജാഗ്രതാ നിര്‍ദേശം നല്‍കി.
രണ്ട് യൂണിറ്റ് ഫയര്‍ ഫോഴ്സ് ഇവിടേക്ക് എത്തിയിട്ടുണ്ട്. സമീപ കെട്ടിടങ്ങളിലുള്ളവരെ ഒഴിപ്പിച്ചുകൊണ്ടിരിക്കുകയാണ്.ജനപ്രതിനിധികളുള്‍പ്പെടെ സ്ഥലത്തെത്തിയിട്ടുണ്ട്.
