24-ാമത് ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് കേരള (ഐഫ്എഫ്‌കെ) ഡിസംബറില്‍ തിരുവന്തപുരത്ത് നടക്കാനൊരുങ്ങുകയാണ്. പന്ത്രണ്ട് മലയാളം സിനമികള്‍ മലയാളം സിനിമ ഇന്ന് എന്ന വിഭാഗത്തിലും രണ്ട് മലയാളം സിനിമകള്‍ അന്തര്‍ദ്ദേശീയ മത്സരവിഭാഗത്തിലും ഇടം നേടിയിരിക്കുകയാണ്. ലിജോ ജോസ് പെല്ലിശ്ശേരിയുടെ ജല്ലിക്കട്ട്, കൃഷ്ണന്ദ് ആര്‍.കെ.യുടെ വൃത്താകൃതിയിലുള്ള ചതുരം എന്നിവയാണ് അന്തര്‍ദേശീയ മത്സരവിഭാഗത്തില്‍ഇടം നേടിയിരിക്കുന്ന ചിത്രങ്ങള്‍. മലയാള സിനിമ എന്ന വിഭാഗത്തില്‍ പനി, ഇഷ്‌ക്, കുമ്പളങ്ങി നൈറ്റ്‌സ്, സൈലന്‍സര്‍, വെയില്‍മരങ്ങള്‍, വൈറസ്, രൗദ്രം, ഒരു ഞായറാഴ്ച, ആന്‍ഡ് ദി ഓസ്‌കാര്‍ ഗോസ് ടു, ഉയരെ, കൊഞ്ചിറ, ഉണ്ട തുടങ്ങിയ സിനിമകളാണ് തിരഞ്ഞെടുക്കപ്പെട്ടിട്ടുള്ളത്. ഡിസംബര് ആറ് മുതല്‍ പന്ത്രണ്ടാം തീയതി വരെ യാണ് ഫിലിം ഫെസ്റ്റിവല്‍ നടക്കുന്നത്.
