തിരുവനന്തപുരം:കനത്ത മഴയെത്തുടര്‍ന്ന് നാല് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി പ്രഖ്യാപിച്ചു.എറണാകുളം,ഇടുക്കി,കോട്ടയം,വയനാട് ജില്ലകള്‍ക്കാണ് അവധി ബാധകം.
എറണാകുളം ജില്ലയില്‍ അംഗന്‍വാടി മുതല്‍ ഹയര്‍ സെക്കണ്ടറി വരെ സ്റ്റേറ്റ്,സിബിഎസ്ഇ,ഐ.സി.എസ്.ഇ,ഐ.എസ്.ഇ സ്‌കൂളുകള്‍ക്കും കേന്ദ്രീയവിദ്യാലയങ്ങള്‍ക്കും കോളേജുകള്‍,പ്രൊഫഷണല്‍ കോളേജുകള്‍ എന്നിവയ്ക്കും അവധി നല്‍കിയതായി കളക്ടര്‍ മുഹമ്മദ് വൈ സഫിറുള്ള അറിയിച്ചു.എന്നാല്‍ സര്‍വകലാശാല പരീക്ഷകള്‍ നിശ്ചയിച്ച പ്രകാരം നടക്കുമെന്നും കളക്ടര്‍ വ്യക്തമാക്കി.
ആലപ്പുഴയിലെ മൂന്ന് താലൂക്കുകളിലെ വിദ്യാഭ്യാസ സ്ഥാപനങ്ങള്‍ക്കും ജില്ലാ കളക്ടര്‍ അവധി പ്രഖ്യാപിച്ചിട്ടുണ്ട്.അമ്പലപ്പുഴ,കുട്ടനാട്, ചേര്‍ത്തല എന്നിവിടങ്ങളിലാണ് അവധി.ഇടുക്കി,വയനാട്,കോട്ടയം എന്നിവിടങ്ങളില്‍ പ്രൊഫണല്‍ കോളേജുകള്‍ക്ക് അവധി ബാധകമല്ല.ഇടുക്കിയില്‍ ഈ മാസം 21 പ്രവര്‍ത്തി ദിവസമായിരിക്കുമെന്നും കളക്ടര്‍ അറിയിച്ചു.
