ബംഗളൂരു:കേന്ദ്രപാര്‍ലന്‍മെന്ററികാര്യ മന്ത്രി അനന്ത് കുമാര്‍ 59 അന്തരിച്ചു.അര്‍ബുദ ബാധയെത്തുടര്‍ന്ന് ചികിത്സയിലിരിക്കെ ഇന്ന് പുലര്‍ച്ചെ ബംഗളൂരുവിലെ ആശുപത്രിയില്‍വച്ചായിരുന്നു അന്ത്യം.രാവിലെ 10 മണിമുതല്‍ ബെംഗളൂരു നാഷണല്‍ കോളേജ് ഗ്രൗണ്ടില്‍ മൃതദേഹം പൊതുദര്‍ശനത്തിന് വക്കും.സംസ്‌കാരം നാളെ
ചാമരാജ് പേട്ട് ശ്മശാനത്തില്‍ .
1959 ജൂലായ് 22ന് ബംഗളൂരുവിലാണ് അനന്ത്കുമാറിന്റെ ജനനം.ഹൂബ്ലി കെ.എസ്. ആര്‍ട്സ് കോളേജില്‍ ബിരുദ വിദ്യാഭ്യാസം പൂര്‍ത്തിയാക്കി.ബംഗളൂരു സൗത്തില്‍ നിന്ന് ആറ് തവണ പാര്‍ലമെന്റിലേക്ക് അംഗമായി തെരഞ്ഞെടുക്കപ്പെട്ട അനന്ത് കുമാര്‍ ബിജെപി കര്‍ണാടക സംസ്ഥാന അധ്യക്ഷ പദവിയും വഹിച്ചിട്ടുണ്ട്.1996-ലാണ് അദ്ദേഹം ബംഗളൂരു സൗത്ത് മണ്ഡലത്തെ പ്രതിനിധീകരിച്ച് ആദ്യമായി പാര്‍ലമെന്റിലെത്തിയത്.
1985-ല്‍ എ.ബി.വി.പി ദേശീയ സെക്രട്ടറിയായി.പിന്നീട് യുവമോര്‍ച്ച സംസ്ഥാന സെക്രട്ടറിയായി.96-ല്‍ ആദ്യമായി ലോക്സഭയിലെത്തി.1998-ല്‍ വാജ്പേയി മന്ത്രിസഭയില്‍ വ്യോമയാന മന്ത്രിയായി.2003-ല്‍ കര്‍ണാടക ബിജെപി അധ്യക്ഷനായിരുന്ന അനന്ത് കുമാര്‍ അടുത്ത വര്‍ഷം ദേശീയ സെക്രട്ടറിയായി.ഡോ. തേജസ്വിനിയാണ് ഭാര്യ.ഐശ്വര്യ, വിജേത എന്നിവര്‍ മക്കളാണ്.
