കൊച്ചി:കേരള ഹൈക്കോടതി ചീഫ് ജസ്റ്റിസായി മദ്രാസ് ജസ്റ്റിസ് എസ് മണികുമാറിനെ നിയമിച്ചു.മദ്രാസ് ഹൈക്കോടതി ജഡ്ജിയായ മണികുമാര്‍ നേരത്തെ അസിസ്റ്റന്റ് സോളിസിറ്റര്‍ ജനറല്‍ ആയിരുന്നു. ചീഫ് ജസ്റ്റിസ് ഹൃഷികേശ് റോയിക്ക് സുപ്രീം കോടതിയിലേക്ക് സ്ഥാനക്കയറ്റം ലഭിച്ചതിനെത്തുടര്‍ന്നാണ് ജസ്റ്റിസ് മണികുമാറിനെ ചീഫ് ജസ്റ്റിസായി നിയമിച്ചത്.
ജസ്റ്റിസ് വിക്രം നാഥ് ഗുജറാത്ത് ഹൈക്കോടതി, ജസ്റ്റിസ് ജെകെ മഹേശ്വരി ആന്ധ്രാ പ്രദേശ് ഹൈക്കോടതി ജസ്റ്റിസ് അജയ് ലാംബ ഗുവാഹത്തി ഹൈക്കോടതി, ജസ്റ്റിസ് രവിശങ്കര്‍ ഝാ പഞ്ചാബ് & ഹരിയാന ഹൈക്കോടതി, ജസ്റ്റിസ് എല്‍ നാരായണ സ്വാമി ഹിമാചല്‍ പ്രദേശ് ഹൈക്കോടതി, ജസ്റ്റിസ് ഇന്ദര്‍ജീത് മൊഹന്തി രാജസ്ഥാന്‍ ഹൈക്കോടതി, ജസ്റ്റിസ് അരൂപ് കുമാര്‍ ഗോസ്വാമി സിക്കിം ഹൈക്കോടതി തുടങ്ങിവരെയാണ് ചീഫ് ജസ്റ്റിസുമാരായി നിയമിച്ചിരിക്കുന്നത്.
