കൊല്ലം:കൊല്ലം റെയില്‍വേസ്‌റ്റേഷനില്‍ ട്രെയിനിന് തീപിടിച്ചു.ചെന്നൈയില്‍നിന്നും കൊല്ലത്തേക്കുവന്ന അനന്തപുരി എക്‌സ്പ്രസിന്റെ എഞ്ചിനാണ് തീപിടിച്ചത്.ഉച്ചയ്ക്ക് രണ്ട് മണിയോടെ കൊല്ലം സ്‌റ്റേഷനിലെ മൂന്നാമത്തെ പ്ലാറ്റ്‌ഫോമിലാണ് അപകടമുണ്ടായത്.ട്രെയിന്‍ പ്ലാറ്റ്‌ഫോമിലേക്കു പ്രവേശിക്കുന്നതിനിടെ എഞ്ചിനില്‍നിന്ന് തീയും പുകയും ഉയരുകയായിരുന്നു.ഉടന്‍ തന്നെ അഗ്നിശമനസേനയിലെ ഉദ്യോഗസ്ഥരെത്തി തീ അണച്ചു.ഷോര്‍ട് സെര്‍ക്യൂട്ട് മൂലമാണ് തീപിടുത്തമുണ്ടായതെന്നാണ് പ്രാഥമിക നിഗമനം.അപകടത്തില്‍ ആര്‍ക്കും പരിക്കേറ്റിട്ടില്ല.
തീപിടുത്തത്തെത്തുടര്‍ന്ന് ട്രെയിന്‍ഗതാഗതം തടസ്സപ്പെട്ടു.കനത്ത മഴയെത്തുടര്‍ന്ന് ട്രെയിനുകള്‍ പലതും വൈകിയോടുകയാണ്.
