കൊച്ചി:കോതമംഗലം മാര്‍ത്തോമ്മ ചെറിയ പള്ളിയില്‍ സംഘര്‍ഷാവസ്ഥ.പ്രാര്‍ത്ഥനയ്‌ക്കെത്തിയ ഓര്‍ത്തഡോക്‌സ് വൈദികനെ വിശ്വാസികള്‍ തടഞ്ഞതിനെത്തുടര്‍ന്ന് സ്ഥലത്ത് സംഘര്‍ഷാവസ്ഥ രൂക്ഷമായി.പ്രതിഷേധക്കാരെ പോലീസ് അറസ്റ്റ് ചെയ്തു.
ഹൈക്കോടതി വിധി നടപ്പാക്കാനാണ് പോലീസ് എത്തിയത്.ഓര്‍ത്തഡോക്‌സ് വൈദികനായ റമ്പാന്‍ തോമസ് പോള്‍ പള്ളിയിലേക്ക് എത്തിയപ്പോഴാണ് യാക്കോബായ വിഭാഗം പ്രതിഷേധവുമായെത്തിയത്.സ്ത്രീകള്‍ അടക്കമുള്ളവര്‍ പ്രതിഷേധവുമായി പള്ളിക്കകത്തും തടിച്ചുകൂടി. പോലീസ് വലയത്തിലാണ് റമ്പാനും ഏതാനും വിശ്വാസികളും പള്ളിയിലേക്കെത്തുന്നത്. തുടര്‍ന്ന് പ്രതിഷേധം ശക്തമായതോടെ റമ്പാനെ പോലീസ് സുരക്ഷയില്‍ ഇവിടെനിന്നും മാറ്റി.എന്നാല്‍ തിരിച്ചുവരുമെന്നാണ് അദ്ദേഹം പറഞ്ഞത്.സ്ഥലത്ത് ഇപ്പോഴും സംഘര്‍ഷാവസ്ഥ തുടരുകയാണ്.
