ആലപ്പുഴ:ചേര്‍ത്തലയില്‍ നിന്ന് കാണാതായ അധ്യാപികയേയും വിദ്യാര്‍ത്ഥിയേയും ചെന്നൈയില്‍ കണ്ടെത്തി.തണ്ണീര്‍മുക്കം ഇംഗ്ലീഷ് മീഡിയം സ്‌കൂളിലെ 40 കാരിയായ അധ്യാപികയെയും 10-ാം ക്ലാസ് വിദ്യാര്‍ഥിയെയുമാണ് മുഹമ്മ പോലീസ് ചെന്നൈയില്‍ കണ്ടെത്തിയത്.ഇരുവരേയും ഇന്ന് രാത്രിയോടെ ചേര്‍ത്തലയില്‍ എത്തിക്കും.
കഴിഞ്ഞ ഞായറാഴ്ചയാണ് അധ്യാപികയേയും വിദ്യാര്‍ത്ഥിയേയും കാണാതായത്.തുടര്‍ന്ന് വിദ്യാര്‍ഥിയെ കാണാനില്ലെന്ന് കാട്ടി വീട്ടുകാര്‍ മുഹമ്മ പോലീസില്‍ പരാതി നല്‍കി.പിന്നീട് തണ്ണീര്‍മുക്കം സ്‌കൂളിലെ അധ്യാപികയേയും കാണാനില്ലെന്ന പരാതി ലഭിച്ചതോടെയാണ് ഇരുവരും ഒരുമിച്ചു പോയതാണെന്ന സൂചന പോലീസിന് ലഭിച്ചത്.
ഇരുവരുടേയും ഫോണ്‍ കോളുകള്‍ പരിശോധിച്ചതില്‍ നിന്നാണ് ഇവര്‍ തണ്ണീര്‍മുക്കത്തുനിന്നും ഒരുമിച്ചുപോയതാണെന്ന വിവരം ലഭിച്ചത്.നാടുവിട്ടശേഷം ഇരുവരുടേയും ഫോണ്‍ ഓഫായിരുന്നു.തിങ്കളാഴ്ച വൈകീട്ട് ഫോണ്‍ ഓണായപ്പോള്‍ ഇവര്‍ വര്‍ക്കല പരിധിയിലാണെന്ന് കണ്ടെത്തി.അവിടെ നിന്നാണ് ഇവര്‍ ചെന്നൈയിലെത്തിയത്. ചേര്‍ത്തല സ്വദേശിയായ അധ്യാപിക ഭര്‍ത്താവുമായി പിരിഞ്ഞു താമസിക്കുകയാണ്.ഇവര്‍ക്ക് 10 വയസ്സുള്ള മകനുണ്ട്.
