രാജ്യാന്തരതലത്തില്‍ മികച്ച സിനിമകള്‍ക്കുള്ള പുരസ്‌ക്കാരം നല്‍കി വരുന്ന ജാഗണ്‍ ചലച്ചിത്ര മേളയില്‍ ഇന്ത്യയിലെ മികച്ച ഫീച്ചര്‍ സിനിമയ്ക്കുള്ള പുരസ്‌ക്കാരം സ്വന്തമാക്കി ആഷ്‌ക്ക്അബുവിന്റെ വൈറസ്. സംവിധായകനും തിരക്കഥാകൃത്തുക്കളായ മുഹ്‌സിന്‍, സുഹാസ്, ഷറഫു എന്നിവര്‍ സംവിധായകന്‍ കേതന്‍ മേത്തയില്‍ നിന്നും അവാര്‍ഡ് സ്വീകരിച്ചു. പത്താമത് ജാഗ്രന്‍ ചലച്ചിത്രമേളയിലാണ് വൈറസ് നേട്ടം കൊയ്തത്. ആസാമീസ് ചിത്രം ബൂള്‍ബുള്‍ കാന്‍ സിംഗ് ഒരുക്കിയ റിമ ദാസും ബംഗാളി ചിത്രം ഗ്വാരെബൈരേ ആജ് സംവിധാനം ചെയ്ത അപാര്‍ണ്ണ സെന്നും മികച്ച സംവിധാനത്തിനുള്ള പുരസ്‌ക്കാരം പങ്കിട്ടു. നിപ്പവൈറസ്ബാധയെ പ്രമേയമാക്കിയെടുത്ത ചിത്രമായിരുന്നു വൈറസ്. ആസിഫ്അലി, കുഞ്ചാക്കോബോബന്‍, ടൊവിനോ, പാര്‍വ്വതി, റിമാ കല്ലിങ്കല്‍, ജോജു ജോര്‍ജ്ജ്, രമ്യാ നമ്പീശന്‍ തുടങ്ങിയവരാണ് ഈ ചിത്രത്തില്‍ അഭിനയിച്ചിരിക്കുന്നത്.
